ابن اخويا محمد عنده 6 سنين كان بيتفرج على تقرير قناة النهار امبارح عن ضحايا العمارة المنكوبة في المعمورة في اسكندرية، عيط وحضن باباه وخاف! وانا عندهم النهارده حكى لي وقالي انا خفت اوي! قسألته: ليه يا تيكا؟ قالي: مش عايز ده يحصل لعيلتي، أخاف عليهم ان ده يحصلهم! قلتله: ازاي؟ قالي مش عايز البيت يقع كده عليهم عشان باحبهم! سألته: بتحب مين؟ قالي باحب ماما وبابا ونورا ويمني اخواتي، مع اني باغلس عليهم بس باحبهم! وشاور عليا بايديه الصغيرة: وباحبك، وباحب جدو وتيتة و... جدو وتيتة.
مامته سألته لو انا مش مامتك تحب مين تكون مامتك؟ قالها عايزك انت تكوني مامتي! قالتله طيب لو مش انا؟ قالها ممكن طنط رانيا (خالته) أو مشيرة :) بس انا برضه عايزك انت تكوني مامتي...
مشيرة صالح
الخميس 24 يناير 2013
الساعة 2:10 صباحا
No comments:
Post a Comment