الفتنة الطائفية والكاتدرائية

بعض الأصدقاء بيقولوا ا ن عمر ما في مسلمين ماتوا عند مسجد او عمر ما الأزهر اتضرب (ولو ان الجملة الأخيرة كادت أن تحدث من عدة أيام بسبب حصار شباب الاخوان لمشيخة الأزهر) لكن نفترض ان هذا الطرح صحيح وأنه لم يسقط مسلم قط بسبب بناء مسجد مثل عشرات المسيحيين اللي اصيبوا او قتلوا بسبب بناء كنيسة على مدار السنوات الماضية! لكن في مسلمين ماتوا لأسباب تانية كتير على فكرة! سيد بلال مثلا اتقتل من أمن الدولة بسبب ضرب كنيسة وكان بريء! الشيخ عماد عفت اتقتل عشان كان مشارك في الثورة، محمد الجندي اتقتل برضه عشان كان ضد الاخوان! ممكن نجيب قائمة كبيرة بأسماء الناس كلها اللي اتقتلت من هنا الى مطلع الفجر ومش حانخلص! خلاصة القول أنه سيقع منا نحن المصريون شهداء مسلمين مسيحيين وملحدين وبهائيين الخ، والسبب واحد! نظام قمعي فاشي بيستخدم الداخلية عشان تصفي اي حد بيفتح بقه! بس كده! يبقى الحل ان نستمر في المقاومة! سمها مقاومة ثورة انتفاضة سميها زي ما تسميها! النظام القمعي ده مش حايختفي ولن نتخلص منه الا لما ننزل كلنا ونستحضر روح ال18 يوم ونتقبل فكرة أنه سيكون هناك شهداء وقتلى وجرحى! الله وحده يعلم مدى احساسي بالعجز والألم! البقاء لله والبقية في حياتنا جميعا لأن المصاب واحد

مشيرة صالح بعد أحداث الكاتردائية

7 أبريل 2013