ايوة كلمتين نفسي اقولهم بقالي يومين!
انا شخصيا مش حاخوض للاخوان معاركهم! الاعلان الدستوري المكمل هو خطوة طبيعية بناءا على التعديلات الدستورية بتاعة 19 مارس! يعني "نعم" هي السبب فيما نحن فيه الان! نفس النعم اللي الاخوان دعوا اليها بقوة وبأسلوب كان هو صفارة بداية الماتش بتاع الاستقطاب الديني بعد الثورة العظيمة الي عملناها وما كانش فيها فرق بين الليبرالي والاخواني والسلفي واليساري والمسلم والمسيحي بطبيعة الحال! وبالرغم من ان المبادئ لا تتجزأ لكن اكيد كلنا من جوانا ما كناش عايزين رئيس اخواني بسلطة مطلقة! قد تكون نفعية او انتهازية كما يلقبها البعض! لكن اعذروني لازم نبقى صريحين ونسيبنا من الثورية الرومانسية الحالمة الخايبة اللي جابتنا ورا! حتى الآن الاخوان لم يقدموا اي ضمانات تطمئن المصريين -او التيار المدني- لشكل الدولة تحت حكمهم! اللي ادى الاخوان صوته عامل زي ما بنقول احنا الاسكندرانية بيشتري سمك في مية! وزي ما قلت الاعلان الدستوري المكمل ما هو الا احد توابع تعديلات 19 مارس!
الخناقة بين الاخوان والمجلس العسكري احنا مش عارفين تفاصيلها ومش عارفين ايه التصعيد او رد الفعل المطلوب! هما دعوا لمظاهرات! يعيشوا حياتهم هما! مش عشان انا ندلة لكن لأن المنطق بيقول ازاي اعترض على حاجة كانت متوقعة! هناك من يظن ان مرسي هو مرشح المجلس العسكري على فكرة! والخلاف اللي بين الاخوان والمجلس العسكري دلوقتي ده زي ما بنقول في المثل الشعبي ما شافهمش وهما بيسرقوا شافوهم وهما بيتحاسبوا! طيب العمل ايه دلوقتي! في رئيس طرطور جايلنا! ليه المفاجأة؟؟؟ ما احنا كنا عارفين ان الرئيس اللي جاي طرطور ومش عارف ايه مسئولياته وصلاحياته! ولا احنا نسينا اد ايه كنا بنضرب مثل برجاحة رأي وطول نظر البوب (البرادعي للي مش عارف اسمه الحركي الجديد) ورؤيته الثاقبة ورفضه المشرف للترشح في هذه المهزلة!! مالنا بقى اتفاجئنا النهارده وركبتنا النخوة فجأة!! ولأااااااااه ازاي رئيسنا طرطور!! الله الله الله؟؟ انت فاجئتني؟!!! ايه الخيبة دي بس؟؟ لو الاعتراض على الضبطية القضائية موافقة ماشي!! مبررة (على فكرة مبررة دي بقت كلمة سيئة السمعة بعد ابو الشفاشق ما بهدلها معاه)
طيب الخطوة الجاية ايه؟ حانعمل ايه دلوقتي؟؟ في رأيي الشخصي والمتواضع جدا ان الخطوة الجاية مش مسيرات ومظاهرات!! وما حدش يقولي ان الميدان موجود!!! الميدان فقد تأثيره الى حد كبير بس مش تماما برضه عشان نبقى صادقين مع نفسنا! لكن محتاجين نفوق بقى لأن موضوع المسيرات ده ما بقاش مؤثر في الشارع خالص على فكرة! يبقى الرك دلوقتي على ايه؟ على الشارع الحقيقي! مش الشارع اللي بيني وبينه حاجز زجاجي غير مرئي باحسه اوي اثناء المسيرات في اسكندرية! الشارع الي فاهمني وانا فاهماه ولنا في نتيجة الجولة الثانية لانتخابات الرئاسة عبرة بينت ان الناس لم تتأثر بدعوات المقاطعة والابطال! شاهدوا حلقة ابراهيم عيسى في السادة المرشحين اللي بيحلل فيها النتائج الأولية
السادة المرشحون: وهم المقاطعة والباذنجان المخللhttp://www.youtube.com/watch?v=DjTBFXEU8vg&feature=player_embedded
طيب احنا عندنا اولويات. اولها الدستور!
في بارقة امل بتعيين المستشار حسام الغرياني رئيسا للجنة التأسيسية. نستنى ونشوف ولما يتطلب الأمر يبقى لينا رد فعل، نصعد نعمل اي حاجة يتطلبها الموقف ساعته! يمكن غلط اننا دائما لا نبادر لكن يقتصر دورنا على القيام برد الفعل فقط! لكن الموقف كالتالي ننتظر ونرى
لكن ده يوصلني للأولوية التانية في نظري الشاااااارع! ايوة الشارع! لازم نجهز الشارع لايه؟ شوف يا سيدي!
اولا الاستفتاء على الدستور مبدأيا. ازاي مش عارفة. بس نفكر فيها سوا بس انا حاليا بافكر في مبادرة انا ومجموعة من الزملاء النشطاء والمعنيين بالعمل العام والسياسي بالاسكندرية سأعلن عنها في حينها عندما تكتمل
ثانيا: المحليات والبرلمان اللي جاي!
لازم نبتدي نشتغل في مناطقنا استعدادا لانتخابات المحليات والبرلمان القادمة. مش شرط عشان احنا نترشح كأشخاص! بس ممكن على فكرة لمن يجد في نفسه القدرة على الدخول في معترك الانتخابات ويري انه لها فليتوكل على الله! التغيير حايبدأ من هنا! لما الميدان ينتقل لمنطقتك وشارعك وبيتك! نشتغل بقى زي الرجالة كده والثوار الحقيقيين! نعمل الفرشة التمام عشان لما الانتخابات تيجي ما نصدمش من اختيار الناس ونسب ونلعن في الشعب ونقول شعب جاهل اختار شفيق! شعب غبي اختار مرسي! لأ يا حبيبي اشتغل انت ووريه وفهمه الاختيار اصلا يبقى على اساس ايه عشان لما يختار يختار صح! اللي هو مش شرط يكون اختيارك على فكرة! بس يبقى فاهم على اساس ايه يختار مرشحه! ولو لزم الأمر تساعده هو انه يكون مرشحك! لو انت شايف انه قائد طبيعي وشعبي وجاي من الناس وبيعبر عنهم! ده دورك كناشط او كمواطن ايجابي عايز مصلحة البلد دي
انا حاحكي عن تجربتي البسيطة جدا! ابتديت بكلام بسيط اوي مع اهل منطقتي! شارعي في سيدي جابر الشيخ في اسكندرية! باتكلم مع الناس! باخصص ساعة او اكتر يوميا انزل اقعد مع عم رضا صاحب القهوة وعادل صاحب المكتبة على الرصيف التاني وايهاب صاحب المكتبة اللي تحت بيتي وعم ابراهيم البواب وعم صابر بتاع الفول وطه المصوراتي وانكل اسامة من اعمدة المنطقة! بنتكلم عن الوضع الراهن زي ما بتقول النخبة في التليفزيون! احسن كلام موزون وله معنى وموضوعي ومبني على اسس منطقية وادلة وبراهين وفهم حقيقي للشارع واولويات المواطن! ناس عايشة في الشارع! هما دول اللي قالولي مش عايزين "امات دقونة". مش قادرة اوصف اد ايه انا اتأثرت بيهم وتخيلوا انا اثرت فيهم؟!! ايوة كلهم صوتوا لحمدين (ما عدا عم رضا صاحب القهوة ادى مرسي لأنه شايف ان الاخوان اتظلموا في تجربة مجلس الشعب وانهم لازم ياخدوا فرصة مرة واحدة او فليصمتوا الى الأبد! منطق والله) جيراني واهل منطقتي شاركوني في توزيع فلايرز لحمدين وامسك فلول وساعدوني في تعليق بانر كبير لحمدين على البلكونة بتاعتي! باحس بدفعة وطاقة رهيبة لما بارجع البيت بعد ما باقعد معاهم وللحق انا اتغيرت كتير وبقيت اهدى من الأول ونظرتي بقت موضوعية جدا بعد احتكاكي بيهم
ملحوظة: غير ان سيدي جابر كان فيها اكتساح لحمدين صباحي فهي ايضا اعلى دائرة صوتت ب لا على التعديلات الدستورية في 19 مارس 2011! يعني دائرة نموذجية تبشر بالعمل الجاد اللي ممكن يجيب نتيجة! ما هي جابت نتيجة مع حمدين اهي!
انا مش متفاءلة بطبعي على فكرة! بالعكس انا عن جدارة ملكة اسوأ السيناريوهات المحتملة! في كل حاجة على المستوى الشخصي والمهني والسياسي كمان! تربيتي وتجاربي السابقة علموني كده! لكن انا شايفة اننا لازم دلوقتي نفكر زي ما الشارع عايز! الشارع عايز يهدا ويبص لقدام! خلاص نبص لقدام معاه ونساعد نفسنا ونكسبه في صفنا
صدقوني الثورة دي حاتنجح لو اتنقلت لبيوتنا وشوارعنا! بس على المدى الطويل احنا بس اللي ما اعندناش صبر! نصبر ونسترجل كده وما نبقاش خيخة!
انا كده خلصت اللي عندي! اللهم بلغت اللهم فاشهد
سلام
أنا
في 20 يونيو 2012 في حوالي الساعة الثالثة والنصف عصرا
ايوة كلمتين نفسي اقولهم بقالي يومين!
انا شخصيا مش حاخوض للاخوان معاركهم! الاعلان الدستوري المكمل هو خطوة طبيعية بناءا على التعديلات الدستورية بتاعة 19 مارس! يعني "نعم" هي السبب فيما نحن فيه الان! نفس النعم اللي الاخوان دعوا اليها بقوة وبأسلوب كان هو صفارة بداية الماتش بتاع الاستقطاب الديني بعد الثورة العظيمة الي عملناها وما كانش فيها فرق بين الليبرالي والاخواني والسلفي واليساري والمسلم والمسيحي بطبيعة الحال! وبالرغم من ان المبادئ لا تتجزأ لكن اكيد كلنا من جوانا ما كناش عايزين رئيس اخواني بسلطة مطلقة! قد تكون نفعية او انتهازية كما يلقبها البعض! لكن اعذروني لازم نبقى صريحين ونسيبنا من الثورية الرومانسية الحالمة الخايبة اللي جابتنا ورا! حتى الآن الاخوان لم يقدموا اي ضمانات تطمئن المصريين -او التيار المدني- لشكل الدولة تحت حكمهم! اللي ادى الاخوان صوته عامل زي ما بنقول احنا الاسكندرانية بيشتري سمك في مية! وزي ما قلت الاعلان الدستوري المكمل ما هو الا احد توابع تعديلات 19 مارس!
الخناقة بين الاخوان والمجلس العسكري احنا مش عارفين تفاصيلها ومش عارفين ايه التصعيد او رد الفعل المطلوب! هما دعوا لمظاهرات! يعيشوا حياتهم هما! مش عشان انا ندلة لكن لأن المنطق بيقول ازاي اعترض على حاجة كانت متوقعة! هناك من يظن ان مرسي هو مرشح المجلس العسكري على فكرة! والخلاف اللي بين الاخوان والمجلس العسكري دلوقتي ده زي ما بنقول في المثل الشعبي ما شافهمش وهما بيسرقوا شافوهم وهما بيتحاسبوا! طيب العمل ايه دلوقتي! في رئيس طرطور جايلنا! ليه المفاجأة؟؟؟ ما احنا كنا عارفين ان الرئيس اللي جاي طرطور ومش عارف ايه مسئولياته وصلاحياته! ولا احنا نسينا اد ايه كنا بنضرب مثل برجاحة رأي وطول نظر البوب (البرادعي للي مش عارف اسمه الحركي الجديد) ورؤيته الثاقبة ورفضه المشرف للترشح في هذه المهزلة!! مالنا بقى اتفاجئنا النهارده وركبتنا النخوة فجأة!! ولأااااااااه ازاي رئيسنا طرطور!! الله الله الله؟؟ انت فاجئتني؟!!! ايه الخيبة دي بس؟؟ لو الاعتراض على الضبطية القضائية موافقة ماشي!! مبررة (على فكرة مبررة دي بقت كلمة سيئة السمعة بعد ابو الشفاشق ما بهدلها معاه)
طيب الخطوة الجاية ايه؟ حانعمل ايه دلوقتي؟؟ في رأيي الشخصي والمتواضع جدا ان الخطوة الجاية مش مسيرات ومظاهرات!! وما حدش يقولي ان الميدان موجود!!! الميدان فقد تأثيره الى حد كبير بس مش تماما برضه عشان نبقى صادقين مع نفسنا! لكن محتاجين نفوق بقى لأن موضوع المسيرات ده ما بقاش مؤثر في الشارع خالص على فكرة! يبقى الرك دلوقتي على ايه؟ على الشارع الحقيقي! مش الشارع اللي بيني وبينه حاجز زجاجي غير مرئي باحسه اوي اثناء المسيرات في اسكندرية! الشارع الي فاهمني وانا فاهماه ولنا في نتيجة الجولة الثانية لانتخابات الرئاسة عبرة بينت ان الناس لم تتأثر بدعوات المقاطعة والابطال! شاهدوا حلقة ابراهيم عيسى في السادة المرشحين اللي بيحلل فيها النتائج الأولية
السادة المرشحون: وهم المقاطعة والباذنجان المخللhttp://www.youtube.com/watch?v=DjTBFXEU8vg&feature=player_embedded
طيب احنا عندنا اولويات. اولها الدستور!
في بارقة امل بتعيين المستشار حسام الغرياني رئيسا للجنة التأسيسية. نستنى ونشوف ولما يتطلب الأمر يبقى لينا رد فعل، نصعد نعمل اي حاجة يتطلبها الموقف ساعته! يمكن غلط اننا دائما لا نبادر لكن يقتصر دورنا على القيام برد الفعل فقط! لكن الموقف كالتالي ننتظر ونرى
لكن ده يوصلني للأولوية التانية في نظري الشاااااارع! ايوة الشارع! لازم نجهز الشارع لايه؟ شوف يا سيدي!
اولا الاستفتاء على الدستور مبدأيا. ازاي مش عارفة. بس نفكر فيها سوا بس انا حاليا بافكر في مبادرة انا ومجموعة من الزملاء النشطاء والمعنيين بالعمل العام والسياسي بالاسكندرية سأعلن عنها في حينها عندما تكتمل
ثانيا: المحليات والبرلمان اللي جاي!
لازم نبتدي نشتغل في مناطقنا استعدادا لانتخابات المحليات والبرلمان القادمة. مش شرط عشان احنا نترشح كأشخاص! بس ممكن على فكرة لمن يجد في نفسه القدرة على الدخول في معترك الانتخابات ويري انه لها فليتوكل على الله! التغيير حايبدأ من هنا! لما الميدان ينتقل لمنطقتك وشارعك وبيتك! نشتغل بقى زي الرجالة كده والثوار الحقيقيين! نعمل الفرشة التمام عشان لما الانتخابات تيجي ما نصدمش من اختيار الناس ونسب ونلعن في الشعب ونقول شعب جاهل اختار شفيق! شعب غبي اختار مرسي! لأ يا حبيبي اشتغل انت ووريه وفهمه الاختيار اصلا يبقى على اساس ايه عشان لما يختار يختار صح! اللي هو مش شرط يكون اختيارك على فكرة! بس يبقى فاهم على اساس ايه يختار مرشحه! ولو لزم الأمر تساعده هو انه يكون مرشحك! لو انت شايف انه قائد طبيعي وشعبي وجاي من الناس وبيعبر عنهم! ده دورك كناشط او كمواطن ايجابي عايز مصلحة البلد دي
انا حاحكي عن تجربتي البسيطة جدا! ابتديت بكلام بسيط اوي مع اهل منطقتي! شارعي في سيدي جابر الشيخ في اسكندرية! باتكلم مع الناس! باخصص ساعة او اكتر يوميا انزل اقعد مع عم رضا صاحب القهوة وعادل صاحب المكتبة على الرصيف التاني وايهاب صاحب المكتبة اللي تحت بيتي وعم ابراهيم البواب وعم صابر بتاع الفول وطه المصوراتي وانكل اسامة من اعمدة المنطقة! بنتكلم عن الوضع الراهن زي ما بتقول النخبة في التليفزيون! احسن كلام موزون وله معنى وموضوعي ومبني على اسس منطقية وادلة وبراهين وفهم حقيقي للشارع واولويات المواطن! ناس عايشة في الشارع! هما دول اللي قالولي مش عايزين "امات دقونة". مش قادرة اوصف اد ايه انا اتأثرت بيهم وتخيلوا انا اثرت فيهم؟!! ايوة كلهم صوتوا لحمدين (ما عدا عم رضا صاحب القهوة ادى مرسي لأنه شايف ان الاخوان اتظلموا في تجربة مجلس الشعب وانهم لازم ياخدوا فرصة مرة واحدة او فليصمتوا الى الأبد! منطق والله) جيراني واهل منطقتي شاركوني في توزيع فلايرز لحمدين وامسك فلول وساعدوني في تعليق بانر كبير لحمدين على البلكونة بتاعتي! باحس بدفعة وطاقة رهيبة لما بارجع البيت بعد ما باقعد معاهم وللحق انا اتغيرت كتير وبقيت اهدى من الأول ونظرتي بقت موضوعية جدا بعد احتكاكي بيهم
ملحوظة: غير ان سيدي جابر كان فيها اكتساح لحمدين صباحي فهي ايضا اعلى دائرة صوتت ب لا على التعديلات الدستورية في 19 مارس 2011! يعني دائرة نموذجية تبشر بالعمل الجاد اللي ممكن يجيب نتيجة! ما هي جابت نتيجة مع حمدين اهي!
انا مش متفاءلة بطبعي على فكرة! بالعكس انا عن جدارة ملكة اسوأ السيناريوهات المحتملة! في كل حاجة على المستوى الشخصي والمهني والسياسي كمان! تربيتي وتجاربي السابقة علموني كده! لكن انا شايفة اننا لازم دلوقتي نفكر زي ما الشارع عايز! الشارع عايز يهدا ويبص لقدام! خلاص نبص لقدام معاه ونساعد نفسنا ونكسبه في صفنا
صدقوني الثورة دي حاتنجح لو اتنقلت لبيوتنا وشوارعنا! بس على المدى الطويل احنا بس اللي ما اعندناش صبر! نصبر ونسترجل كده وما نبقاش خيخة!
انا كده خلصت اللي عندي! اللهم بلغت اللهم فاشهد
سلام
أنا
في 20 يونيو 2012 في حوالي الساعة الثالثة والنصف عصرا
حلقة ابراهيم عيسى في برنامج السادة المرشحون عن نتيجة الجولة التانية من انتخابات الرئاسة المصرية يوم 19 يونيو 2012 على اون تي في لايف
No comments:
Post a Comment