خيالي المريض

 

 طيب استكمالا لسيناريوهات خيالي المريض الذي اثبت انه ليس مريضا لكنه منطقي جدا بما يحدث من احداث عبثية ليس لها اي اساس منطقي للأسف، ايه قولكم لو قانون العزل اتطبق يوم الخميس عشان شفيق ابتدى يحرج اللي بالي بالك فيطلع من السباق وكمان يتم الغاء الجولة التانية عقابا وتكديرا للاخوان على عباطتهم وهبالتهم وانانيتهم ونشوف ايه اللي حايحصل!! Rania Mohamed Heida رانيا حبيبتي زيس سيناريو ايز ديديكيتد تو يو هاني

 كان لصديقتي رانيا الفضل في التنبؤ بالواقع المهبب اللي احنا فيه دلوقتي ونحن في انتظار في الجولة الثانية انتخابات الرئاسة، وهي من تنبأت -للأسف- بأن الاعادة ستكون بين الشفيق فريق وبين الاستبن! طبعا لم اكن اتصور على الاطلاق ان هذا السيناريو اللعين سيتحقق! لكن من الواضح ان الخيال اللعين والمريض هو واقرب للواقع المصري المعاش وبعيد كل البعد عن طموحاتنا واحلامنا! 

انا بقى كان رد فعلي تلك الكلمات التي كتبتها يوم 23 مايو 2012:

طب لو فرضنا زي ما صديقة ليا صورلها خيالها المريض ان النهائي حايكون بين الشفيق والاستبن! نعمل ايه ساعتها؟انا شايفة اني اسلم نفسي للمنطقة الشمالية واقولهم الآتي: انا ضفدع بشري مصري وكنت باعمل عملية فدائية في سيدي جابر والأكسجين بتاعي خلص فقلت اجي اريح عندكم!!

ده سيناريو مجنون بيتنبأ بنتيجة الانتخابات والوضع في الاعادة حايكون ازاي، ارجو اضافة سيناريوهاتكم مع توقع المرشحين الذين سيقومون بالاعادة ووقع هذا على النفس وتنبؤ رد الفعل مع ضرورة الحفاظ على الثبات الانفعالي في الأيام السوده اللي احنا بنمر بيها

مشيرة صالح

فجر اليوم الأول لانتخابات الرئاسة

23 مايو

العام 2012

نحن الآن في انتظار حكم المحكمة على مدى دستورية قانون العزل يوم الخميس   القادم وربنا يستر!

ادينا مستنيين

مشيرة صالح

الثلاثاء 12 يونيو 2012