بعد حلقة ابراهيم عيسى النهارده لقيت نفسي حاسة بخنقة رهيبة، كل احساس الاحباط والفشل اللي واجهناه في الثورة اتكثف وبقى حمل جاثم على صدري! حسيت ان مصيري في ايد ناس تانية مش واثقة فيهم، حسيت اد ايه انا ضعيفة، وانا عمري ما سمحت لحد يتحكم في مصيري! لقيت نفسي باعيط وبادعي عشان الدستورية تمرر قانون العزل وتحل البرلمان! منتهى السذاجة!! ايه السذاجة وقلة الحيلة دي؟ قهرة حسيتها لأني نفسي نبتدي على نضافة! خايفة ومش عارفة اعمل ايه! في حاجة باكرهها جدا وهي ماكونش عارفة ايه الخطوة الجاية اللي لازم اعملها! طول عمري بابقى حاسبة الخطوة الجاية في حياتي! لكن اللا شئ ده مش عارفاه ومش متعودة عليه! حاسة اني مهزوزة! ان يصيبني الشأن العام بكل هذا الاحباط والخوف من الغد وعدم الاطمئنان والقلق المرضي وانعدام الثقة غير طبيعي ولا يستطيع عقلي ان يتقبله! فكرة الانتظار ايضا تزيد من احساسي بالعجز! انا احسن من كده! انا دايما باتحكم في مصيري، قراري من راسي زي اللبنانيين ما بيقولوا لكن نبقى مجرد مفعول بهم كده، شئ تعدى حدود المنطق والمعقول وكل شئ!
تعبت...
No comments:
Post a Comment